Ці будзеце Вы адзначаць Дзень роднай мовы, залежыць ад Вас. Але калі ўжо вырашылі для сябе, што родная мова займае важную частку Вашага сэрца, вось адзін з варыянтаў, як аддаць пашану роднай мове, а таксама цікава прабавіць час - удзельнічаць у “Моўным квэсце”.
Каб узяць удзел, перш-наперш, трэба ўсталяваць мабільны дадатак SAY.BY, даступны для Android і iOS і апынуцца ў адной з лакацый правядзення квэсту:
У суботу 22 лютага, у Мінску на “Мова Фэсце”. У гэтым месцы да заданняў ад SAY.BY будуць далучаны ўжо не віртуальныя, а рэальныя заданні ад партнёраў свята.
У суботу, але ўжо ў Лідзе, дзе квэст аб’яднае 3 лідскія кавярні, якія шануюць і падтрымліваюць родную мову. Чаго толькі вартыя іхнія назвы “Тутака”, “Тамака”, “Добрая кава”.
У нядзелю 23 лютага ў магілёўскім кафэ “Шпаркі Лось”, адной з галоўных рысаў якога з’яўляецца беларускамоўнае абслугоўванне.
Сутнасць квэста - адшукаць і адсканаваць адмысловым дадаткам “сакрэтныя коды беларускага арнаменту”, што фактычна ўяўляюць сабой стылізаваныя QR коды. Кожны код адкрывае заданне, якое неабходна выканаць.
Яшчэ адзін варыянт, як апынуцца ў лакацыі правядзення квэсту - працаваць у кампаніі, якая вырашыла правесці прыватны варыянт квэста для сваіх супрацоўнікаў.
21 першага лютага ўвесь свет адзначае Дзень роднай мовы. З кожным годам усё больш і больш гэта свята звяртае на сябе ўвагу і ў нашай краіне. Магчыма, гэта з-за цяперашняга стану беларускай мовы, а можа гэта звязана з тым, што ўсё больш і больш людзей вяртаюць яе ў сваё жыццё і робяць усё магчымае, каб не проста яе захаваць, але зрабіць усё ад іх залежнае, каб яна больш гучала ў нашым асяроддзі.
Спіс лакацый правядзення квэсту, а таксама правілы можна паглядзець па спасылцы.
